چور مچائے شور ……!!!

چور مچائے شور

شور تو پورے پاکستان میں مچایا جا رہا ہے لیکن چور ہیں کہاں ؟ان کی نشان دہی کون کرےگا؟

کہیں یہ تو نہیں کہ اس حمام میں سب ننگے ہیں ؟

  مزے کی بات تو یہ  ہے کہ گریبانوں میں سر ڈال کر بھی شرم و حیا بھی کسی کو نہیں آراہی، شائد گریبان بھی 2نمبر ہیں۔

پاکستانی قوم اتنی مایوس ہے کہ اب کسی قسم کی سیاسی تبدیلی و انقلاب کے نعروں پر بھی دلچسپی کا اظہار کرنے کے لئے تیار نہیں ،کیونکہ پاکستانی قوم کی ہر نظر مایوسیوں سے ٹکرا کر واپس آجاتی ہے۔

جیسے ہم پاکستانی ہر دن نئی فلمیں  دیکھ کر اور گانے سن کر بھول جاتے ہیں ویسے ہی ہم ان سیاستدانوں کو بھول جاتے ہیں۔

سیاستدان تو دور کی بات ہم تو اپنے آپ کو اور ایک دوسروں کو ہی بھول جاتے ہیں۔

یقین کریں اب تو ٹی وی پر لمبے لمبے اخلاقیات کے سبق اور مکالمات بے معنی لگتے ہیں۔

آئیں تھوڑا سا دوسروں کے ساتھ موازنہ کرتے ہیں۔

جنگ عظیم میں جب لندن پر بمباری ہو رہی تھیاور لندن تباہ و برباد ہو چکا تھا کسی نے وزیر اعظم چرچل سے اس کے متعلق کہا تو اس نے کہا کہ برطانوی عدالتیں عوام کو انصاف دےرہی ہیں یعنی ابھی تک برطانوی حکومت کا وجود باقی ہےاور حکومت چل رہی ہے۔

کیا پاکستان میں ہماری سیاسی قیادت عدالتوں کے احکام مانتی ہیں؟

بالکل نہیں ۔۔۔

اگر عدالتی احکام کو نہیں مانتی تو حکومت کہاں کی؟

ہمارے ہمسائے انڈیا میں 1عام شخص انا ہرارےنے کرپشن کے مسئلہ پر انڈین حکومت کو ہلا کر رکھ دیااور پارلیمنٹ گھٹنے ٹیکنے پر مجبور ہو گئی۔

کیا پاکستان میں ابھی تک کسی سیاسی ، سماجی اور مذہبی شخصیت نے کبھی ایسی کوشش کی ہے ؟

بالکل نہیں۔

ہاں البتہ ہر کوئی اپنی پارٹی کے پلیٹ فارم سے کرپشن کے خلاف راگ الاپتا ہے۔

کچھ عرصہ پہلے لند ن میں لوٹ مار ہوئی اس میں 12 سال کی عمر تک کے بچے بھی ملوث تھے اور اس پر برطانوی وزیر اعظم نے کچھ یوں اظہار کیا :

"شاید ہم برطانوی شہری اپنے بچوں کو صحیح تربیت نہیں کر پا رہے۔”

پاکستان میں عظیم لیڈر وہ ہے جو زیادہ جھوٹ بولے، عوام کو بہترین بیوقوف بنائے، ڈھٹائی سے اپنےاوپر لگائے الزامات کا دفاع بھی نہ کرے اور استعفٰی بھی نہ دے،پھر اچانک وہ پہلے سے بڑی وزارت کا حقدار بھی ٹھہرے۔

جتنا بڑا جھوٹ اتنا ہی بڑا انعام

ہم عظیم قوم ہیں یہ سو فیصد سچ ہے

کیا ہم سو فیصد عظیم سیاسی، سماجی اور مذہبی راہنما ہیں؟