آپﷺ کیسے تھے؟-13

آپﷺ ایسے تھے
 حضرت علی ؓ سے دریافت کیا گیا کہ نبی اکرم ﷺ کا برتاؤ اپنے ساتھیوں کے ساتھ کیسا تھا؟ انہوں نے جواب دیاکہ:آپﷺ
٭ہر ایک سے مسکراتے ہوئے ملتے تھے۔
٭بہت نرم مزاج تھے اور طبیعت میں سختی نہ تھی۔
٭سہولت آسانی کو پسند فرماتے تھے۔
٭کبھی بیہودہ بات زبان سے نہ نکالتے تھے۔
٭کسی کے عیب نہیں نکالا کرتے تھے۔
٭غرور سے بہت دور رہتے تھے۔
٭ اور بےکار باتوں سے ہمیشہ پرہیز کرتے تھے۔
٭نہ کسی کی برائی کرتے تھے اور نہ اسے نیچا سمجھتے تھے۔
٭ کے چھپے ہوئے عیبوں کو ظاہر کر کے اسے شرمندہ نہیں کرتے تھے۔
٭مال و دولت کی لالچ نہیں کرتے تھے۔
 اور
٭اگر آپﷺ کو کوئی چیز پسند نہ آتی تو اسے چھوڑ دیتے۔ نہ اس کی برائی کرتے اور نہ رغبت ظاہر فرماتے۔
آپﷺ کی دعائیں
 دعا صرف اللہ سے مانگئے۔ ہماری حاجتیں صرف وہی پوری کر سکتا ہے۔
دعا عبادت کا جوہر ہے اور عبادت کا حقدار صرف اللہ ہے۔
 جب آپﷺ بستر پر تشریف لے جاتے تو دونوں ہتھیلیوں کو جوڑ لیتے اور سورۂ اخلاص ، الفلق ، اور الناس پڑھ کران کو پھونکتے اور جسم پر جہاں تک ہوسکتا پھیر لیا کرتے تھے۔ ابتدا سر ۔ چہرے اور جسم کے اگلے حصہ سے فرماتے۔ یہ عمل 3 بار فرماتے۔
 آپ کو جب پاخانہ جانا ہوتا تو جوتا اور ٹوپی پہن لیتے اور یہ دعا پڑھتے۔
 اللھم انی اعوذبک من الخبث و الخبائث۔اے اللہ! میں گندگی اور گندی چیزوں سے تیری پناہ مانگتا ہوں ۔
 جب پاخانہ سے نکلتے تو یہ دعا پڑھتے۔ غفرانک اللھم۔اے اللہ! تیری مغفرت چاہتا ہوں
 آپ بسم اللہ الرحمن الرحیم پڑھ کر وضو شروع فرماتے۔
 وضو کرتے وقت یہ دعا پڑھتے
اشھد ان لا الہ الا اللہ وحدہ لا شریک لہ واشھد ان محمّداً عبدہ و رسولہ۔میں گواہی دیتا ہوں کہ اللہ کے سواکوئی معبود نہیں ، وہ اکیلا ہے اس کا کوئی شریک نہیں اور گواہی دیتا ہوں کہ محمّد ﷺ اس کے بندے اور رسول ہیں ۔
اللھم اجعلنی من التوابین واجعلنی من المتطھرین۔اے اللہ مجھے بار بار توبہ کرنے والا اور پاکیزہ زندگی اخیتارکرنےوالابنادے۔
(تالیف:عرفان خلیلی صفی پوری۔مرکزی درسگاہ اسلامی رامپور ، انڈیا)
اس مجموعہ کو مرتب کرنے میں مندرجہ ذیل کتب سے استفادہ کیا گیا ہے۔ اللہ تعالیٰ ان کے مرتبین کوجزائےخیرعطافرمائے۔ آمین
٭اسوۂ حسنہ از امام ابن قیم ؒ ، مطبوعہ مکتبہ الحسنات دہلی
٭سیرت النبی ﷺ از شبلی نعمانی ؒ ، مطبوعہ دارالمصنفین ، اعظم گڑھ
٭سیرت النبی ﷺ از علامہ سید سلیمان ندوی ؒ ، مطبوعہ دارالمصنفین ، اعظم گڑھ
٭آدابِ زندگی از مولانا یوسف اصلاحی ، مطبوعہ مرکزی مکتبہ اسلامی ، دہلی
Advertisements

اپنی رائے دیجئے

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s

%d bloggers like this: