وال آف ساؤنڈ

چیزیں چھوٹی ہی نہیں بلکہ بہت بڑی بھی ہو رہی ہیں۔ مثلاً آئی پوڈ کے لئے بنایا گیا نیا اسپیکر کو ہی دیکھ لیجئے۔

ڈوک سسٹم پرانے وقتو ں کے عظیم الجثہ پیانو اور گرامو فون سے بھی بڑا ہے۔اس کی لمبائی 4 فٹ ہے ۔اس میں 28اسپیکرز نصب ہیں۔کسی بھی آئی پوڈ سے اسے منسلک کر کے تو دیکھیں اس کی "سمع خراشی”، وہ بھی اس صورت میں کہ جب اس کی آواز بہت بڑھا دی جائے۔یہ کانوں کے پردے پھاڑ سکتی ہے۔125واٹس کی طاقت سے 95ڈیسی مل کی آواز خارج ہوتی ہے جو اگر مستقل خارج ہوتی رہے تو مستقل طور پر سماعت  سے محرومی کا خطرہ ہے۔اتنی شدید آواز طیارے کے ٹیک آف کے وقت سنائی دیتی ہے۔ اس کا وزن قد کاٹھ کی مناسبت سے ہے ،یعنی102کلوگرام۔

ساتھ ہی اس میں یہ خوبی بھی ہے کہ  آپ اس کی آواز بہت کم بھی کر سکتے ہیں۔یعنی بیک وقت بہت شدید، تیز اور نہایت ہلکی آواز بھی یہ دے سکتا ہے۔

مالمو سوئیڈن کی کمپنی "اسٹوڈیوپر” نے اسے بنایا ہے۔آج کے دور میں مشینیں ہاتھوں سے نہیں بنائی جاتیں مگر اسے ہاتھوں سے بنایا گیا ہے۔ یہ اس کی اضافی خوبی ہے ۔اسے آپ ڈی وی ڈی، سی ڈی یا پھر ٹی وی سے بھی منسلک کر سکتے ہیں۔ اسے "وال آف ساؤنڈ ” کا نام دیا گیا ہے ،کیونکہ یہ دیوار کی طرح وسیع و عریض نظر آتی ہے۔