اسٹیشن ماسٹرنی

جاپانی محاورہ ہے کہ”ضرورت پڑنے پر بلّی کی مدد بھی مانگ سکتے ہیں”۔یہ محاورہ انہوں نے سچ بھی کر دکھایا ہے۔جاپان میں بہت سی ریلوے لائنیں ہیں جنہیں نجی شعبہ چلاتا ہے۔ایسی ہی ایک ریلوے لائن ہے جس کا نام”واکاباما الیکٹرک ریلوے”ہے جس کی لمبائی تقریباً14کلومیڑ ہے۔اس لائن پر 10ریلوے اسٹیشن ہیں ان میں سے ایک ریلوے اسٹیشن "کیشی”پر اسٹیشن ماسٹر کوئی آدمی نہیں ایک 9سالہ بلی ہے۔اسے باقاعدہ تقرر نامہ جاری کیا گیا ہے۔وہ اسٹیشن ماسٹر کی وردی تو نہیں پہنتی مگر وردی پر مشتمل ٹوپی اس پر سر پر مستقل رہتی ہے۔وہ باقاعدگی سے دفتر آتی ہے اور 3وقت کا کھانا جو ا سکے تقرر نامے پر تنخواہ کے عوض درج ہے کھاتی ہے ۔

قصہ کچھ یوں ہے کہ یہ ریلوے لائن مسلسل خسارے میں جا  رہی تھی اس روٹ کے مسافر ٹرین کے بجائے بسوں پر سفر کر رہے تھے،خسارے سے بچنے کے لئے کمپنی نے کئی ملازم فارغ کیئےفارغ کئے جانے والوں میں ایک اسٹیشن ماسٹر بھی تھا۔یہ بلی اس اسٹیشن پر آتی جاتی تھی۔حکام کو جانے کیا سوجھی کہ اس بلی کو "اسٹیشن ماسٹر”بنانے کا اعلان کر دیا ۔اس کے ساتھ ہی اس کمپنی کی قسمت کھل گئی۔مسافر محض اس بلی کو دیکھنے کے لئے ریل کا سفر کرنے لگے اور دیکھتے ہی دیکھتے بلی کو "قومی اسٹار”کا مقام حاصل ہو گیا۔ اب ٹرین کے مسافروں کی تعداد میں17٪اضافہ ہوگیا ہے۔خسارےکے بجائے اب یہ کمپنی منافع میں جا رہی ہے ۔کمپنی اس بلی کو کارکردگی کی بنیاد پر "سپر اسٹیشن ماسٹر "کے عہدے پر ترقی دے رہی ہے، البتہ تنخواہ میں کوئی اضافہ نہیں کیا گیا،کیونکہ ہر جانور کا ایک ہی پیٹ ہوتا ہے ،بھر گیا سو بھر گیا۔

کمپنی کے کاغذات میں ٹوما نامی اس بلی کو "واحد خاتون ملازم”قرار دیا گیا ہے۔فرانسیسی فلمساز و ہدایت کار مرہام لوتو نے اس بلی پر ایک دستاویزی فلم بھی بنائی ہے۔