بہادر سلطان

ابراہیم لودھی اوربابرکےدرمیان پانی پت میں زبردست جنگ ہو رہی تھی۔ابراہیم کی فوجیں بری طرح کٹ رہی تھیں،اور وہ بڑی حسرت و یاس سے یہ منظر دیکھ رہا تھا۔کسی نے اس سے کہا :

“جہاں پناہ! ہماری فوج کے حوصلے پست ہو چکے ہیں۔اس صورت میں بہتر یہ ہے کہ آپ جنگ کے میدان سے ہٹ جائیں۔اگر آپ بچ گئے تو ہم ایک اور فوج بھرتی کر کے ایک نہ ایک دن مغلوں لو مار بھگائیں گے۔”

ابراہیم نے جواب دیا :

ایک بادشاہ کے لئے میدان سے بھاگ نکلنا سخت بے عزتی کی بات ہے۔ ہمارے خیر خواہ اور دوست کثرت سے کٹ رہے ہیں ،لاشیں ہی لاشیں نظر آرہی ہیں۔ہم ان کے بغیر زندہ رہ کر کیا کریں گے؟ہم کسی صورت میدان سے نہیں ہٹیں گے۔”

ابراہیم لڑتے لڑتے موت کی گود میں جا سویا۔ بابر کو اطلاع دی گئی ۔بابر کو اس کی موت کا بڑا گہرا اثر ہوا ۔اس نے حکم دیا کہ “بہادر سلطان کو پورے اعزاز سے دفن کیا جائے۔