اجزائے قرآن کا تعارف (سورتیں)

سورہ لفظ سور سے نکلا ہے جس کے معنی شہر پناہ کے آتے ہیں۔قرآن پورا کا پورا ایک مسلسل مضمون کی حیثیت نہیں رکھتا بلکہ وہ114حصوں میں بٹا ہوا ہے۔۔ان 114حصوں میں سے ہر حصہ سورہ کہلاتا ہے۔سورہ کو سورہ اس لئے کہا جاتا ہے کہ جس طرح شہر اپنی فصیلوں کے ذریعہ اپنی شناخت ظاہر کرتا ہے،اور ایک شہر ملک کے دوسرے شہروں سے ممتاز ہوتا ہے اسی طرح قرآن کی ہر سورہ کا مستقل موضوع ہوتا ہے۔اور دیگر تفصیلات ضمنی ہوتی ہیں،اور ہر سورہ اپنے مرکزی خیال کے لحاظ سے دوسری سورتوں سے ممتاز ہوتی ہے۔سورتوں کے نام توفیقی ہیں۔اللہ یا اس کے رسولﷺ نے رکھے ہیں۔ایک سورہ کے کئی کئی نام ہوتے ہیں،اسی طرح سورتوں کی مقدار میں بھی تفاوت ہوتا ہے،کوئی سورہ بہت لمبی اور کوئی بہت مختصر ہوتی ہے،اور کوئی درمیانی ہوتی ہے۔