علامہ صوفی وارثی

محمد شریف الدین المعروف علامہ صوفی وارثی میرٹھ کے رہنے والے تھے ۔شاعری میں حضرت نوح ناروی کے شاگرد رشید اور تصوف میں حاجی وارث علی شاہ کے مرید خاص تھے۔چشتیہ ،قادریہ، نقشبندیہ، اور سہروردیہ چاروں سلسلوں سے کسب فیض حاصل کیا۔ شاعری روحانیت ،خطابت،سیاست، طب اور ہومیو پیتھی ان کی زندگی کے نمایاں پہلو تھے۔انہوں نے جنگ خلافت میں بھی بھر پور حصہ لیا۔نامور شاعر مظفر وارثی ان کے ہی صاحب زادے ہیں۔

دلّی سے “فصیح الہند”اور مین پوری سے”شرف الشعرا”کے خطابات ملے۔ان کے والد شیخ محمد علاؤالدین احمد شہر کے رؤسا میں سے ایک تھے۔مرحوم معروف قصے”طوطا مینا”کے مصنف بھی تھے۔شاعری میں شاکر تخلص کیا کرتے تھے۔انہوں نے متعدد کتابیں تصنیف کیں۔ ان کا وصال 17دسمبر1962؁میں ہوا۔قبرستان میانی صاحب میں آپ کی ابدی آرام گاہ ہے۔