شیطان کےبچوں کے نام (حصہ دوم)

حضرت آدم علیہ السلام کی پیدائش سے تقریباً سوا لاکھ سال پہلے اللہ تعالٰی نے جنات کو پیدا کر کے زمین پر آباد کیا تھا۔دنیا میں جنوں کی نسل کی بودوباش کے لئے جگہ نہ رہی تو حق تعالٰی نے کچھ جنات کو ہوا میں رہنے کی جگہ دی اور کچھ جنات پہلے آسمان پر رہنے لگے۔

وہب بن منبہ کی طویل روایت کا ایک حصہ  یہ ہے :

جنات کی افزائش کا یہ عالم تھا کہ ایک حمل سے ایک لڑکا اور ایک لڑکی پیدا ہوتی تھی۔ جب ان لوگوں کی تعداد 70ہزار ہوگئی اور بیا شادی کا سلسلہ جاری  رہا تو پھر ان کی اولاد کا کوئی حد و حساب نہیں رہا۔ابلیس نے بنو الجان کی ایک لڑکی سے شادی کر لی اس کے بعد بھی بہت سی اولاد پیدا ہوئی۔جب جن اور جن کی نسل کے لئے دنیا میں رہنے کی جگہ نہ رہی تو اللہ تعالٰی نے جن کو ہوا میں رہنے کے لئے مقام عطا فرمایا۔ابلیس اور اس کی اولاد کو پہلے آسمان میں رہنے کی جگہ دی گئی۔اور ان دونوں کو اپنی اطاعت کا حکم بھی دیا گیا۔اب چونکہ زمین خالی ہو چکی تھی اور زمین پر اللہ کا ذکر کرنے والا نہ رہا تو آسمان اپنی بلندی پر فخر کرنے لگا۔