شاہ محمد ششم

مراکش کے 46سالہ بادشاہ محمد ششم اپنے والد شاہ حسن دوم کی وفات کے بعد تخت پر فروکش ہوئے۔ان کے والد نے ان کو بچپن ہی سے دینی و سیاسی تعلیم دلوائی۔4سال کی عمر میں محمد عمر ششم کی قرآنی تعلیم کا آغازشاہی محل کے اندر ہی ہو گیا تھا۔ اس کے ساتھ ساتھ انہیں مذہبی اور روایتی تعلیم سے بھی آراستہ کیا گیا۔ پرائمری اور سیکنڈری تعلیم کی تکمیل کے بعد انہوں نے 1981؁ میں رائل کالج سے گریجویشن کیا اور پھر 1985میں رباط کی محمد پنجم یونیورسٹی سے قانون کی ڈگری حاصل کی۔شاہ محمد ششم انفرادی طور پر ڈیڑھ ارب ڈالرز سے زائد اثاثوں کے مالک ہیں ۔

انہوں نے مراکش کے قومی معاشرے کو جدید خطوط پر استوار کرنے اور ملک میں احتساب کا رواج ڈالنے سمیت سماج سدھار کے حوالے سے کوئی کارہائے نمایاں انجام دئےہیں۔

دارلحکومت رباط میں واقع محمد شاہ ششم کے محل کے دروازے ہمہ وقت عوام کے لئے کھلے رہتے ہیں۔ اس محل میں شاہ نے اپنے ذاتی سرمائے سے ایک مسجد بھی تعمر کروائی ہے ۔ یہ محل اپنے انتہائی خوبصورت اور سرسبز و شاداب باغات  اور حقیقی شاہانہ وقار کے مظہر کے داخلی دروازوں کے حوالے سے شہرت رکھتا ہے۔