ایک مسلمان کا ایک منکر خدا سے مناظرہ

ایک مسلمان جس سلطنت میں رہا کرتا تھا وہاں کا بادشاہ بھی منکر خدا تھا ایک دن بادشاہ اور اس کا خاص وزیر ہواو ہوس پرست منکر خدا لوگوں کے درمیان بیٹھا تھابادشاہ وقت اس کا بہت احترام کر رہا تھا اور دیگر تما م بڑے بڑے اور عظیم دانشور حضرات اس کے پیچھے بیٹھے ہوئے تھےاور یہ منکر خدا بڑی گستاخی کے ساتھ اپنے مذہب کی حقانیت کے بارے میں باتیں کر رہا تھا۔
مسلمان  یہ دیکھ کر ٹھہر گئے اور اپنے مناظرہ کی شروعات کی۔
مسلمان  نے باشاہ سے اس طرح کہا: ”اے بادشاہ وقت! آج میں نے تمہارے گھر کے باہر ایک بہت ہی عجیب چیز دیکھی ہے ؟
بادشاہ: ”کیا دیکھا ؟“
مسلمان  : ”دیکھا کہ ایک کشتی بغیر کسی ناخدا اور رسی کے ادھر سے ادھر چل رہی ہے“۔
اس وقت وہ منکر خدا جو وہاں بیٹھا ہوا تھا اس نے بادشاہ سے کہا: ”یہ (مسلمان )دیوانہ ہے کیونکہ عجیب الٹی سیدھی بات کرتا ہے“۔
مسلمان : ”نہیں صحیح بات کر رہاہوں میں دیوانہ کیوں ہونے لگا؟“
منکر خدا: ”لکڑی سے بنی کشتی بغیر ناخدا کے کیسے ادھر سے ادھر جائے گی؟“
مسلمان : ”یہ میری بات تعجب آور ہے یا تمہاری کہ یہ عالم ہستی جو عقل وجان رکھتی ہے یہ مختلف گھاس اور دیگر نباتات جو زمین سے اگتے ہیں، یہ باران رحمت جو زمین پر نازل ہوتی ہے تیرے عقیدہ کے مطابق بغیر کسی خالق و مدبر کے ہے جب کہ تو ایک چھوٹی سی چیز کے لئے کہتا ہے کہ بغیر کسی ناخدا اور راہنما کے ادھر سے ادھر نہیں چل سکتی؟“
یہ منکر خدا مسلمان  کا جواب دینے سے بے بس ہو گیا اور سمجھ گیا کہ یہ کشتی والی مثال صرف مجھے شکست دینے کے لئے دی گئی تھی۔