منشایاد

منشایاد کا جنم15ستمبر 1937؁ کو ٹھٹھہ نستر نزد فرخ آباد ضلع شیخوپورہ میں ہوا۔ان کے والد حاجی نظیر احمد حکمت کیا کرتے تھے۔انہوں نے میٹرک1955؁ میں ایم بی اسکول حافظ آباد سے کیا۔اور سول انجینیئرنگ میں ڈپلومہ1957‌؁میں حاصل کیا،اور پی ڈبلیو ڈی میں 1958؁ سے 1960؁تک سب انجینئر کی حیثیت سے رہے۔ساتویں جماعت میں تھے کہ بچوں کے پرچوں میں کہانیاں لکھنا شروع کردیں۔فاضل اردو کا امتحان 1964؁میں ،بی اے 1965؁میں اور ایم اے 1967؁ میں اردو اور 1972؁میں پنجابی میں کیا۔1979 میں ڈپٹی ڈائیریکٹر کے عہدے سے ریٹائر ہوئے ۔انہوں نے لاہور میں اپنی کزن  فرحت نسیم اختر سے 1960؁میں شادی کی۔1لڑکی اور3لڑکے تھے۔ان کے بڑے بیٹے فرخ جمیل آرمی پبلک اسکول و کالج کے وائس پرنسپل ہیں۔بیٹی نوما شبنم ماڈل کالج برائے خواتین اسلام آباد میں لیکچرار ہیں۔ دوسرے بیٹےڈاکٹر عامر شکیل یورنیورسٹی آف ٹیکساس ،ڈیلاس امریکہ میں پروفیسر آف میڈیسن ہیں۔سب سے چھوٹے صاحبزادے کاشف نوید اسلام آباد کے ایک ٹی وی چینل میں اسسٹنٹ مینجر ہیں۔منشا یاد نے اسلام آباد میں حلقہ ارباب ذوق کی بنیاد 1972؁میں رکھی انھوں نے کئی اور ادبی تنظیمیں بھی بنائی تھیں جن میں اردو میں لکھنے والوں کی انجمن، رابطہ ،بزم کتاب،فکشن فورم قابل ذکر ہیں۔

ان کی پہلی کہانی 1955؁میں کافی سراہی گئی تھی۔پہلا مجموعہ 1975؁میں آیا ۔ اب تک 9افسانوی مجموعے آچکے ہیں۔1پنجابی ناول اور کئی ٹی وی سیریلز اور ڈارمے کافی مشہور ہیں۔ انہیں 2004؁میں صدارتی ایوارڈ کے علاوہ پرائیڈ آف پرفامنس بھی دیا گیا ہے۔ صدارتی ایوارڈز کے علاوہ بھی کئی اوارڈز بھی انہوں نے حاصل کئے۔15اکتوبر2011؁ کی رات ان کی زندگی کی آخری رات ثابت ہوئی۔