مغلیہ سلطنت

مغلیہ سلطنت اس وقت قائم ہوئی جب ظہیر الدین بابر نے پانی پت کے میدان میں ابراہیم لودھی ہو شکست دی اور دہلی میں اپنی حکومت قائم کی۔خاندانی اعتبار سے بابر منگول تھا۔بابر کے باپ کا نام شیخ مرزا تھا لیکن اس نے جس نئی حکومت کی بنیاد رکھی اسے مغل حکومت کہا جاتا ہے۔مغل منگول کی بدلی ہوئی شکل ہے۔بابر نے اس وقت سب سےبڑےہندو راجا سانگا کو بھی شکست دی۔

بابر زیادہ عرصہ زندہ نہ رہ سکا 1530؁ میں اس کا انتقال ہو گیا۔اسے کابل میں دفن کیا گیا بابر کے بعد اس کا بیٹا نصیر الدین محمد ہمایوں تخت پر بیٹھا،مگر ہمایوں زیادہ ررصہ حکومت نہ کر سکا اسے شیر شاہ سوری نے شکست دے کر جلا وطن کر دیا۔ہمایوں ایران چلاگیا۔سوری خاندان کے بعد ہمایوں واپس آیا اور اپنی سلطنت دوبارہ قائم کی۔ہمایوں کے بعد اس کا بیٹا جلال الدین محمد اکبر تخت پر بیٹھا ۔ اس نے جنوبی ایشیا میں مخل سلطنت کو مضبوط کیا ۔اکبر کے بعد اس کا بیٹا نور الدین محمد جہانگیر تخت پر بیٹھا ۔اسے شہزادہ سلیم کے نام سے بھی جانا جاتا تھا۔جہانگیر کے بعد اس کا تیسرا بیٹا شاہ جہاں 1628؁ میں تخت نشین ہوا۔اس نے تخت نشین ہوتے ہی قانون شریعت کی پیروی شروع کر دی۔

لاہور کا شیش محل اور آگرہ کا تاج محل شاہ جہاں ہی نے بنوایا۔1666؁میں 76سال کی عمر میں اس کا انتقال ہوا شاہجاں کے بعد اس کا بیٹا محی الدین محمد اورنگزیب عالمگیر بادشاہ بنا۔

یہ جلیل القدر بادشہ بڑا متقی و پرہیزگار تھا۔عالمگیر کی حکومت تقریباً پورے جنوبی ایشیا پر پھیل گئی۔ اس وقت مغلیہ سلطنت پورے عروج پر تھی،مگر 1707؁ میں اس کے انتقال کے بعد مغلیہ سلطنت کمزور ہونے لگی اور اکثر صوبے خودمختار ہوگئے۔آخر ایسا زمانہ بھی آیا کہ مغل بادشاہ کی حکومت صرف دہلی تک محدود رہ گئی۔ 1857؁میں انگریزوں نے آخری مغل بادشہ بہادر شاہ ظفر کو قید کر لیا اور اس طرح 300سالہ حکومت کا خاتمہ 1857؁میں انگریزوں کے ہاتھوں ہوا۔