دلچسپ کہانی

ہم لوگ کتنا کم جانتے ہیں اپنی آنکھوں کے بارے میں اور کانوں کے بارے میں اور ہاتھوں اور پیروں ،نتھنوں سے تخنوں تک ،ہم لوگ ان اعضاء کو کتنا کم جانتے ہیں ہمارے لئے یہ منظم جسم ہیں۔ یہ ہیں تو وہی مگر کچھ اور بھی ہیں جسے ہم جان ہی نہیں پاتے۔ان سب کی ایک مکمل الگ زندگی ہیں ۔جب سے ہم زندہ ہوئے ہیں اور جب تلک ہم مریں گے یہ سب وہ کچھ دیکھتے ہیں وہ جو ہمیں بھی یاد نہیں رہتا۔ان کانوں نے کیا کچھ سنا ہے جس پر ہم نے کبھی دھیان نہیں دیا جسے ہم سن ہی نہ سکے کہ ہم سننے کے قابل یا سننا چاہنے کے باوجود سمجھ نہ سکے۔ان ہاتھوں نے کیا کچھ ٹٹولا ہے۔ یہ پاؤں کن کن راہ پر چلے کیسی کیسی مٹی سے آشنا ہیں ۔ زبان نے کیا کچھ چکھا اور بولا ہے ۔ کبھی ہم نے ان سے الگ الگ کچھ پوچھا ہے؟

اگر انسان صرف اپنی آنکھوں کی ہی کہانی دیکھنا شروع کرے ، یا صرف ان کانوں کی آوازیں ہی سنے یا اپنے ہاتھوں کا لمس ہی محسوس کرے کہ جو پیدائش کے لمحے سے شروع ہوئی ان سب کی کہانی ،ہر عضو کی الگ کہانی ۔ذرا سوچئے کیا کہانی ہوگی۔ کتنی دلچسپ کہانی ہوگی۔