ایک وصیت….

ایک عورت چھوٹی عمر میں بیوہ ہوگئی تھی۔اس نے ہمیشہ روزہ رکھنا اور ہمہ وقت اطاعت و عبادت کو اپنا معمول بنا لیا۔شب و روز تلاوت قرآن میں مشغول رہتی اسی حال میں وہ بوڑھی ہو گئی ہزاروں عورتیں اس کی پارسائی اور تقویٰ دیکھ کر اس کی مرید ہو گئیں۔

مرتے وقت اس نے سب سے پوچھا میں نے کیسی پارسائی کی زندگی گزاری ہے؟

تمام نے کہا کہ ایسا کرنا بہت مشکل یا نا ممکن ہے کہ کبھی کسی مرد کا منہ تک نہ دیکھا ہو ساری عمر روزہ رکھا ہو، سوکھی روٹی کھائی ،شب و روز مصروف عبادت رہیں،

اس عابدہ نے کہا جوانی سے لیکر بڑھاپے تک رات کو قرآن مجید کی تلاوت کرتے وقت کئی فحش خیالات آتے لیکن خوف خدا اور دنیا کی شرم نجھے بچاتی رہی اب میرا آخری وقت ہے، میں وصیت کرتی ہوں کہ کبھی جوان بیواہ کو بے نکاح نہ رکھنا۔