نعت رسول صلَّی اللهُ علیہ وسَلَّم

حضورِ اقدس، شافعِ محشر صلَّی اللهُ علیہ وسَلَّم

چہرۀ انور چاند سے بڑھ کر صلَّی اللهُ علیہ وسَلَّم

دندان مبارک موتی موتی، سرمگیں آنکھیں روشن روشن

قاسمِ حکمت  لسانِ اطہر  صلَّی اللهُ علیہ وسَلَّم

آسِ غریباں،  صبحِ یتامیٰ، مثلِ شجرِ سایہ دار

محسن اعظم، ساقئ کوثر صلَّی اللهُ علیہ وسَلَّم

عالی نسب، مخبرِ صادق، پدرِ فاطمہ، ابوالقاسم

محبوبِ الٰہی،  داعئ اکبر صلَّی اللهُ علیہ وسَلَّم

دریاۓ سخاوت، بحرِ حکمت، قطرہ قطرہ گوہر گوہر

روشن روشن قلبِ معطر صلَّی اللهُ علیہ وسَلَّم

آقا میرے کملی والے تشنہ لبی دامن سے بجھا دیں

پاس ہوں آپ سے دور میں رہ کر صلَّی اللهُ علیہ وسَلَّم