صحافتی داؤ

امریکہ ریاست الی نوائے کے شہر گالینا میں ایک چھوٹی سی بچی گھومتی پھرتی ایک بینک میں دفتری اوقات کے خاتمے کے وقت داخل ہوئی ۔والٹ کا دروازہ بند ہو گیا۔اور ٹائم لاک لگ گیا۔لڑکی والٹ میں بند ہو گئی۔ اس خبر کی تفصیلات حاصل کرنے کے لئے اخباری نمائندوں کو دوڑایا گیا۔

اس زمانے کے ٹائم لاک باہر سے بھی کھولے جا سکتے تھے۔شکاگو کے اخبار “ہیرالڈ ایگزامنر”کا ایڈیٹر “والٹر ہادے”ا س حقیقت سے واقف تھا۔اس نے جولیٹ کے جیل خانے کے وارڈن کو فون کر کے کہا:کیا تمہاری جیل میں تجوری کھولنے یا توڑنے والے قیدی ہیں؟”

وارڈن نے بڑے فخر سے کہا”ہاں جناب کئی ہیں۔ ایک سے بڑھ کر ایک ماہر فن۔”

والٹر ہادے نے اپنا تعارف کرواتے ہوئے کہا “میری بات گور سے سنو اور جو میں کہہ رہا ہوں اس پر فوری عمل کرو۔اپنے 4بہترین ماہر فن کو گالینا روانہ کرو،وہاں ایک چھوٹی بچی بینک کے والٹ میں بند ہو گئی ہے۔اسے باہر نہ نکالا گیا تو وہ صبح تک دم گھٹ کر ہلاک ہو جائے گی۔”

“اس کے لئے آپ کو گورنر سے اجازت لینا ہوگی۔”وارڈن نے عذر پیش کیا۔

اگر تم نے میری بات پر عمل نہ کیا تو میں گورنر سے کہہ کر ملازمت سے نکلوادوں گا۔”ہادے نے دھمکی دی۔

اس کے بعد ہاوے نے ایک کرائے کی کار میں اپنے بہترین رپورٹروںاور فوٹوگرافروںکو گالینا روانہ کر دیا۔

گالینا کے بینک کے والٹ کو جب قیدیوں نے کھولا تو وہا ں کوئی لڑکی موجود نہ تھی۔وہ تو اپنی سہلی کے ساتھ اس کے گھر پر موجود تھی۔کوئی اور ایڈیٹر ہوتا تو اس حرکت پر تباہ ہو گیا ہوتا۔لیکن وہ ہاوے تھا۔اس کا کوئی کچھ نہ بگاڑ سکا۔اس نے اس خبر کو صفحہ اول پر نہایت نمایاں طور پر شائع کی  کہ کس طرح گورنر نے تجوری توڑنے والوں کو رہا کیا۔اور والٹ کو کھولتے ہوئے سنگ دل بے رحم مجرب کس بری طرح رو رہے تھے ان کے ہاتھ کانپ رہے تھے۔ اور جب والٹ کا دروازہ کھل گیا اور لڑکی کو اندر نہ پایا تو وہ زمین پر گر گئے خدا کا شکر ادا کیا۔ اس خبر کی شہ سرخی اس نے یہ جمائی تھی”انسانیت بڑی حسین چیز ہے”