ناسٹر دیمس

مائیکل ناسٹر دیمس(14یا21دسمبر 1503؁تا2جولائی 1566؁)ایک فرانسیسی عطارد کاہن تھا۔اس کی پیشن گوئیوں کی شہرت آج بھی ساری دنیا میں قائم ہیں۔اس کی کہی پیشن گوئیوں کے بارے میں کہا جاتا ہے کہ وہ سب پوری ہوئی ہیں ۔اس کی پیشن گوئیاں رباعیات اور اشعار کی صورت میں ہیں۔ہر دور مین اس کی شاعری کی تشریح کی جا تی رہی ہے۔اور رونما ہونے والے واقعات پر منطقی بحث کر کے پیشن گوئیوں کی درستی  پر اصرار کیا گیا ہے۔ ناسٹر دیمس لکھتا ہے:

11.41

ساتویں دن کا روشن ستارہ جل بجھے گا

بادلوں سے دو سورج نمودار ہوں گے

لمبے کانوں اور ہونٹوں والے کتے تمام رات روئیں گے

جب عظیم پوپ ممالک تبدیل کرتا ہے

11.46

انسانیت کو ایک کے بعد ایک لاچاری لاحق ہے

صدیوں کا عظیم چکر بدلنے کو ہے

خون کی بارش ہو گی، قحط، جنگیں اور بیماری

توآسمان آسمان پر دمدار چنگایوں والی آگ دیکھے گا

مندرجہ بالااور دیگر کئی رباعیوں سے ناسٹر دیمس کے شارحین یہ نتیجہ نکال رہے ہیں کہ:

2012؁ میں زمین سے ایک بہت بڑا شہاب ثاقب ٹکرانے والا ہے۔ جو عظیم تباہی کا باعث بن سکتا ہے/

2012؁ میں تیسری جنگ عظیم ہوگی جو دنیا کی تباہی کا باعث بن سکتی ہے۔

وہ کن حسابات سے یہ نتائج نکال رہے ہیں ایک عام فرد کے لئے یہ جاننا آسان نہیں ہو سکتا۔ کیا ہونے والا ہے در حقیقت یہ کوئی نہیں جانتا۔