جادو
Posted by ارتقاءِ حيات on September 19, 2011
جادو ایک بڑا نخلستان، نیز ٹیلوں کا وہ سلسلہ ہے جو نائجیریا کے گیاہستانوں تک اور دوسری جانب کور اور تشاد کی طرف نکل جاتا ہے۔اس نخلستان کے کنارے پر چند باغات کے آثار ملتے ہیں جن میں سے تین 1950 تک موجود تھے اور ارد گرد صحرا میں چٹائیوں سے بنی چھونپڑیاں ہیں یہ گاؤں کنوری قوم کے حضروی گروہوں نے بسائے ہیں۔
جادو طرابلس الغرب میں حیل نفوسہ کے مشرقی خطے کا قدیم صدر مقام جو آج کل ضلع فساطو میں ایک قصبے کی صورت میں 3 ناہموار پہاڑیوں پر واقع ہے۔ جہاں تک قدیم شہر کا تعلق ہے اس کے بارے میں کچھ زیادہ تفصیل نہیں ملتی۔ تاریخ کے جھروکوں سے جو معلومات پہنچی ہیں ان سے معلوم ہوتا ہے کہ جادو شہر کی بنیاد مسلمانوں کی فتح شمالی افریقہ سے بہت پہلے پڑ چکی تھی چونکہ یہ شہر اس قدیم شاہراہ پرواقع تھا جو طرابلس شہر کو خزان اور وسطی سوڈان سے ملاتی تھی۔ یہی بات اس شہر کی خوشحالی اور ترقی کا سبب بنی۔
