کلے میتھKlamath
Posted by ارتقاءِ حيات on September 7, 2011
بعض حشرات ایسے بھی ہوتے ہیں جو ناپسندیدہ پودوں اور گھاس پھوس کو ختم کرنے میں معاونت کرتے ہیں شمالی کیلیفورنیا کے قریب کلے میتھ کے نام سے ایک مشہور دریا بہتا ہے۔ کلے میتھ دراصل ایک قسم کی جنگلی گھاس کا نام ہے جو اچانک یورپ ،امریکا اور آسٹریلیا تک پھیل گئی اور جس نے وہاں کے مقامی پودوں کو ختم کر دیا تھا۔ اس کے کھانے سے جانوروں میں بھی عجیب تبدیلیاں رونما ہونا شروع ہونے لگی تھیں، ان کی افزائش کی صلاحیت متاثر ہونے لگی اور شدید تکلیف و بے چینی کی کیفیت بڑھنے لگی۔
اسی لئے بھنوروں کی کچھ اقسام یور پ سے آسٹریلیا لائی گئیں جو کلے میتھ گھاس کھاتی تھیں۔ کچھ سائنسدان یہاں سے بھنورے کیلیفورنیا بھی لئے گئے،جہاں انہیں ان کا قدرتی ماحول دینے کی کوشش کی گئی اور روز ان پر پانی کے قطروں کا چھڑکاؤ بھی کیا جاتا تاکہ انہیں بارش کے موسم کا احساس دلایا جائے۔ اس طرح یہاں بھنوروں کی بھرپور افزائش کی گئی یہ بھنورے جنگلی گھاس کھاتے تھے اسی طرح تقریباً 3 سے 4 سال کےعرصہ میں اس جنگلی گھاس کا صفایا ہو گیا۔
