یوم دفاع پاکستان

اے راہِ حق کے شہیدو وفا کی تصویرو

تمہیں وطن کی ہوائیں سلام کہتی ہیں

میری طرف سے تمام پاکستانی قوم کو
6 ستمبر
یوم دفاع پاکستان
مبارک ہو۔

آپ سب کو یہ بھی یاد ہوگا کہ آج سے کافی سال پہلے 6ستمبر 1965کو ہمارے دشمن نے ہماری ارض پاک کی طرف میلی آنکھ سے دیکھا تھا اور نعوذباللہ پاکستان کو ختم کرنے کے عزائم لیکر آیا تھا۔ لیکن پھر کیا ہوا، سب نے دیکھا، تاریخ اس بات پر آج تک حیران ہے کہ ایک مٹھی بھر فوج نے اپنے سے کئی گنا بڑی اور طاقتور فوج کا مقابلہ کس طرح کیا اور ہمارے دشمنوں کو ناکوں چنے چبوا دئیے۔ اس معرکے کے دوران ہمارے کئی فوجی جوان شہید ہوئے انہوں نے اپنے وطن کےلئے اپنی جان دیدی لیکن دشمن کے ناپاک عزائم مٹی میں ملا دئیے۔

 تو دوستو… آج کا دن ان شہیدوں، غازیوں اور ان مائوں ، بہنوں، بیٹیوں اور بیوئوں‌کو خراج عقیدت پیش کرنے کا دن ہے جنہوں‌نے اپنے جگر کے ٹکڑوں کو اس جنگ میں حصہ لینے کےلئے بھیجا اور آج ایک عزم کرنے کا بھی دن ہے کہ
ہم رہیں یا نہ رہیں ، دشمن کو کبھی ہماری ارض پاک کی طرف میلی آنکھ ڈالنے کی بھی ہمت نہ ہو۔

اور میری اللہ تعالی سے یہ بھی دعا ہے کہ وہ ہمیں اور ہمارے اس پیارے پاکستان کو ہمیشہ کےلئے محفوظ رکھے۔ آمین